الاكتئاب الأكبر والأصعب

في ناس فاكرة إن الشخص المكتئب دا لازم يكون قاعد لوحده في أوضه ضلمه وقافل علي نفسه ومقضيها حزن وبكي ..

لا دا الاكتئاب الأكبر والأصعب الشخص اللي مكمل في حياته عادي و مستمر في روتين حياته اليومي طبيعي بياكل و يشرب ويقابل ناس ويروح شغله وهو دايس علي نفسه ولازم يفضل متماسك عشان مسئولياته واللي وراه وهو بيعدي يومه حرفياً وهو من جواه مطفي كاتم ومخبي همومه وراسم علي وشه ابتسامة وهمية بيداري بيها ملامحه البهتانة من الزعل وتلاقيه اخر اليوم راجع علي سريره لوحده يغمض ويقفل عيونه عن كل وجع وتعب حاسس بيه وينام عشان يقوم تاني يوم يعيد يومه ويكمل حياته بس للأسف بدون شغف ..

من واقع جلساتى واتقالى قبل كده ماهى بتنزل وتطلع وطول النهار بره هو الاكتئاب ده عندنا احنا بس في البيت أنا رديت وقتها بس البوست ده لتصحيح المعتقدات المغلوطة اللى بيعاملوا بعض بها ويحكموا على اللى حواليهم وانتم مش حاسين ارجوكم يكون في وعى شوية بمشاعر اللى حوالينا واحتواء ليهم ارجووووكم .