صباحكم كله خير أحبابي حاتكلم انهارده عن عذااااب حقيقي بشوفوه في قلوب ناس كتيرررر من واقع جلساتى بوجه رسالتى لكل حد بيتعذب من الشعور القاتل ده
الاحساس بالذنب 
فيه ناس بتحس به طول الوقت ودموعهم ممكن تنزل من شدته جواهم بتوصل لدرجة الاحساس بالذنب لمجرد الرد على شخص في سؤال (( هل أنا رديت عليه رد كافي ؟؟؟ لا أنا كنت مقصر في الرد ده )))) طاقة بتستنفز في التفكير بسبب الشعور ده صوت جواك بيقولك لا انت مقصر لا انت غلط رغم أن ممكن يكون الطرف التانى لا يستحق كل هذا التفكير
كده أحبابي وصلنا لدرجة اضطراب شديد ولازم ألجأ لمتخصص يعلمنى أزاى أتخطى الإحساس ده لان الاحساس ده مدمر وممكن يوقف حياتك .
وفيه صورة أخرى لهذا الشعور شخص دايما يستبعد اللى حواليه عاطفيا زى أسر كتير ممكن تحسس ولادهم بالذنب علشان يضمنوا طاعتهم وكلها اقتناع أن ده لمصلحتهم ولا يروا مدى الأذى على الجانب الآخر للطفل اللى بيربي جواه الاحساس بالذنب المستمر
وأشخاص تقنع الطرف الثانى بالذنب علشان يضمن وجوده ويستنزفه بشكل مستمر للاسف فيه ناس بتعمل فينا كده وبيعزز جوانا الشعور بالذنب وبردوه ممكن يكون شايف أن ده في مصلحة الطرف التانى ومش شايف مدى الأذى
خدوا بالكم أحبابي من ولادكم لان الاحساس ده بيتكون من سن صغير كل ماكانت التربية أو الأسرة بتطبع كل شىء بأنه عيب وغلط وحرام كل ماكبر الشخص مسيطر عليه إحساسه بالذنب
انتبهواااا أرجوكمالاحساس بالذنب صحى لو على قد حجم الغلط
لكن انه يتحول لوحش بيلتهمنى فى كل ثانية انى احس بالذنب على كل حاجة عملتها او حتى معملتهاش
إنى احاسب نفسي واحكم عليها بالجلد وانفذ الحكم فى كل لحظة
إنى افضل فى علاقة غلط لمجرد ان توقفى عنها هيحسسنى بالذنب وقتها انت كده وقعت فريسة لاحساسك بالذنب اللى فضل يكبر لحد ما بقى جواك جلاد شغلته انه يعذبك ويأنبك ويحطمك داخليا ويسرق منك احساسك بالحياة.انت ماتستحقش كده تستحق حياة حقيقية انت بطلها الحقيقي ماتديش فرصة لحد يمارس عليك سلطة تعزيز الاحساس بالذنب لان ده مش من حق حد ماتسبيش حد يستنزفك ويستغلك عاطفيا .
احنا بشر أحبابي مش ملايكة ربنا أدانا الحق نغلط ونتوب باب ربنا مش مقفول بلاش تحط نفسك في مكان مش بتاعك وتفكير زايد ودايرة ترهقك وتوصلك لطريق مسدود معرفتش تعدى الاحساس اللعين ده ألجأ لمتخصص ماتوقفش حياتك
دمتم بخير أحبابي دكتوره / نانسي حراز
للتواصل والمساعدة على رقم
